Stadion.uz афсус билан «Пари Сен-Жермен»дан кетиши керак бўлган футболчилар рўйхатини тақдим этади.
Париж клуби УEФАнинг молиявий фэйр-плей қоидаларига роия қилаётганига қарамай, вазият анча жиддий. Айниқса, “Манчестер Сити”дан сўнг, «ПСЖ» ҳам таркибни қайта кўриб чиқишига тўғри келади. Айни дамда клуб 29 футболчини рўйхатдан ўтказган бўлиб, уларнинг маошлари учун катта суммани ташкил қилмоқда. Хўш, бу футболчиларнинг қай бири замонавий «ПСЖ»ни тарк этиш учун биринчи рақамли номзод?
Серҳио Рико ёки Алфонсо Ареола
Бугунги кунда Кейлор Навас Париж клуби учун биринчи рақамли дарвозабонга айланиб бўлди. Боз устига, унинг шартномаси 2023-йилга қадар мўлжалланган. Бу яна 3 мавсум давомида Кейлор биринчи рақамли дарвозабон бўлади дегани.
Шундай экан, «ПСЖ» маошни тежаб қолиш учун Ареола ёки Рикодан бирига “жавоб бериб юборишига” тўғри келади. Рикони «ПСЖ» сотиб олиш шарти билан ижарага олган. Алфонсо эса мавсум сўнггида ижарадан қайтиб (“Реал Мадрид”дан) келади. Шундай экан, клуб ўзи учун иккинчи дарвозабон ким бўлишини аниқлаб олиши керак. 3 та юқори даражадаги киперни клубда олиб қолишдан мантиқ йўқ.
Тиаго Силва
Бир қарашда Силвани сотиб юборишга ҳожат йўқдек. У машҳур, ишончли ва жамоа сардори. Шунга қарамай, танганинг иккинчи томони ҳам мавжуд.Силва 35 га қараб кетмоқда. Қўшимчасига унинг шартномаси ҳам якунланиб қолди. Энг муҳими эса, айни дамда «ПСЖ»да нақд 7 та марказий ҳимоячи мавжуд. Маркиньос ва иқтидорли Тил Керерга ўйин амалиёти етишмай қолмоқда. Диалло ва Кимпембе ҳақидаку гапирмаса ҳам бўлади. Бу футболчилар ўсиб,топ даражага чиқиши учун таркибдан жой ажратиш талаб этилади. Тиаго ўзи истамаган ҳолда иқтидорли футболчиларнинг йўлини тўсиб турибди. Париж клуби ёзда у билан хайрлашиш орқали яқин 10 йил давомида марказни эгаллашга қодир футболчиларни катта саҳнага олиб чиқиши мумкин.
Левен Курзава
Левен қанот ҳимоячиси сифатида рақобатни Хуан Бернатга бой бериб бўлди. Шунга қарамай, унинг маоши Хуанникидан бир мунча баландроқ. Бозустига, Диалло ҳам секин-аста қанот ҳимоясида ишончли кўринишни бошлади. Бундай вазиятда, УEФА қоидаларига зид йўл тутмасдан Курзавани трансферга қўйиш клуб учун фойдали бўлади. «ПСЖ» ҳар бир позиция учун нақд 3 тадан футболчини жамоада сақлаб туришда давом этса, тез орада “Манчестер Сити”нинг куни бошига тушиши мумкин.
Тома Менье
Бельгиялик футболчи ишончли ўйин кўрсатишда давом этмоқда. Шунга қарамай, унинг шартномаси ҳам тез орада якунига етади. Унинг позицияси бўшашини сайёрамизнинг энг иқтидорли футболчиларидан бири – Колин Дагба кутиб турибди. Франциялик фулбек Томани кута-кута 21 ёшни ҳам “уриб” қўйди. Менье ўзининг пик формасига чиқиб бўлди. Энди унинг ўйинида фақат пасайиш кузатилиши мумкин. У бундан ортиғини намойиш эта олмайди. Колин Дагба эса аксича, энди катта футболга кириб келаётган,совринларга ўч футболчи. Агар «ПСЖ» уларни рокировка қилса фойдадан ҳоли бўлмайди. Агар «ПСЖ» Далга учун талаб қилинаётган ўйин амалиётини тақдим этмаса, уни клубда олиб қолишнинг иложи йўқ. Айниқса, ёш футболчи билан “Боруссия Дортмунд” қизиқиб қолган бир пайда таваккал қилишга ҳожат йўқ.
Леандро Паредес
Вератти ва Гайе асосий таркиб футболчисига айланиб бўлди. Агар Тухел ўйинга 4-3-3 схемасини танласа, Ди Марияучинчи ярим ҳимоячи вазифасини ўтаб беришини истамоқда. Ҳатто Маркиньос ҳам марказий ҳимоячига айланиши мумкин. Бундай пайтда Ди Марияга ҳам ярим ҳимояда жой топилмай қолади. Хўш,бундай зич танловда Леандро Передесни клубда олиб қолишдан нима фойда? Аргентиналик футболчи тўп учун курашда важамоавий прессингда жуда бўш ўйин кўрсатади. Афсуски, қаҳрамонимиз “Зенит”да намойиш этган класс “Лига 1” учун камлик қилди. Паредес фаолиятини қайта тиклаб олиши учун ҳам ёзда кетиши керак.
Андер Эррера
Эррера майдон марказида универсал футбол намойиш этиши мумкин, бироқ у классик таянч ярим ҳимоячиси эмас. Айниқса,унинг жисмонан бақувват эмаслиги ҳам унга панд бермоқда. “Лига 1”даги баланд бўйли йигитлар Эррерани бир неча бор марказдан четга “суриб” ташлагач, ТомасТухел уни захира ўриндиғига олишга мажбур бўлди. Айни дамда, жамоада ярим ҳимоячилар кўп, лекин ҳимоячиларга улардан наф бўлмаяпти. Шу сабабли,Маркиньос ҳимояга яқинроқ жойдан ўрин олмоқда. Агар клуб испаниялик футболчини трансферга қўйса, унинг ўрнига сифатли марказ футболчиси харид қилиши мумкин. Шу орқали жамоа Тиаго Силванинг ўрнини Маркиньос билан ортиқча қийинчиликсиз тўлдириши мумкин.
Юлиан Дракслер
Иқтидорли немис футболчисиПарижда,кутилганидек,дунёнинг энг яхши футболчиси бўлишни уддалай олмади. Юлиан тез орада 27 ёшни қарши олади. Энди у келажакда мева берувчи дарахт эмас. Афсуски, ЖЧ ғолиблигидан сўнг, Дракслер футболчи сифатида ўсишдан тўхтаб қолди. Унинг рақобатдоши Сарабия эса, камроқ маошга ҳам ундан қолишмаяпти. Боз устига, у ёшроқ ва ғалабаларга ўч. Бундай вазиятда Дракслерни сотиб юбориш энг тўғри вариант. Бундан ташқари, клуб академиясидан ҳам иқтидорли футболчилар етишиб чиқмоқда. Уларга ҳам ҳеч бўлмаса кубокучрашувларида имконият бериш лозим. Бунинг учун таркибда кичик “тозалов”ни амалга ошириш талаб этилади.
Яҳёхўжа Улуғхўжаев
