Англия терма жамоаси ва "Манчестер Юнайтед" клуби собиқ ярим ҳимоячиси Оуэн Харгривз "Боруссия" ярим ҳимоячиси Жейдон Санчони Туманли Альбионга кўчиб ўтиши мумкинлиги ҳақидаги хабарларги ўз муносабатини билдирди.
"Санчо ўзининг савиясини билади ва ўзи учун энг яхши вариантни топиши керак. "Манчестер Юнайтед"да ажойиб ёшлар бор ва ҳар бир ёш футболчи клубнинг бир қисмига айланмоқчи. "Юнайтед" кўпчилик ўйнамоқчи бўлаётган клуб бўлиб қолмоқда. Санчони қиммат туришини биламан, лекин бу футболчи келажакдаги 10 йилнинг энг яхши футболчиси бўлиши мумкин. У "Юнайтед" билан "Олтин тўпни" қўлга киритиши мумкин, - Харгривзнинг сўзларидан иқтибос келтирмоқда ВТ Sport.
