Мадриднинг «Реал» клуби ярим ҳимоячиси Каземиронинг Испания чемпионати тезроқ қайта тикланишига ишончи комил.
«Футбол аллақачон дунёнинг энг оммабоп спорт турига айланиб улгурган. Футбол – соғлиқни сақлаш белгисидир. Агар футбол бўлса – демак мамлакат ўзининг одатий ҳаётида яшамоқда, ҳаммаси жойида.
Идеал вазият ҳали узоқ эканлигини тушунамиз. Коронавирусга қарши вакцина топилмас экан, янги касаллар ва ўлимлар давом этаверади. Бунинг оқибатларини минималлаштиришга ҳаракат қиламиз, лекин футбол тикланиши керак.
Футбол бошланганини билган, кўрган одамлар қувонишади. Улар ҳамма нарсалар унчалик ёмон эмаслигини ҳис қилиб, тушкунликка тушишлари шарт эмас. Ҳаёт давом этади.
Карантин даврида одамларга ёрдам беришга ҳаракат қилдим. Умид қиламанки, буни уддалай олдим. Биласизми, ҳозир кимгадир пул эмас, мулоқот зарур», — деди Каземиро.
