Лондоннинг «Челси» клуби Жоржиньо учун тушадиган таклифларни кўриб чиқишга тайёр. "Кўклар" ўзнинг 28 ёшли футболчисини 65-70 миллион евро атрофида сотишни режалаштирмоқда.
Жоржиньонинг хизматига Туриннинг «Ювентус» клуби қизиқиш билдирмоқда. "Юве"нинг ҳозирги бош мураббийи Сарри Жоржиньо билан «Наполи» ва «Челси» клубларида бирга ишлаган. Айнан Саррининг ташаббуси билан "Челси" клуби 2018 йили ярим ҳимоячини сотиб олганди.
«Челси» клуби бош мураббийи Фрэнк Лэмпард Жоржиньони жамоада олиб қолмоқчи, лекин футболчининг ўзи учун «Ювентус» клубига ўтиш устувор вазифа бўлиб турибди.
Жоржиньонинг «Челси» клуби билан амалдаги шартномаси 2023 йилгача мўлжалланган.
