Италиянинг «Интер» клуби футболчиси Виктор Мозес жамоа бош мураббийи Антонио Конте ҳақида фикр билдирди.

«У менинг мураббийим ва дўстим. Мен кўплаб мураббийлар қўл остида ўйнадим ва уларнинг барчаси менга ёқарди. Уларнинг энг муҳими – Антонио Конте.

У менга жангчи руҳини сингдирди, ўзимга бўлган ишончни ортирди ва футболдан завқ олишни ўргатди.

Унинг қўл остида ажойиб мавсумни ўтказдим ва бунинг учун ундан доим миннатдорман. Авваллари ҳеч қачон ўнг қанот ҳимоясида ўйнамаганман, лекин у мени айнан мана шу позицияда ўйната олди. У мени қўллаб-қувватлади ва ўзимга бўлган ишончни ортиришимга ундади. Мен уни уялтириб қўймадим», – деди Мозес Daily Mail билан суҳбатда.