Мюнхеннинг «Бавария» ва «Манчестер Юнайтед» клублари собиқ футболчиси Оуэн Харгривз «шаҳарликлар» футболчиси Лерой Саненинг келажаги ҳақида фикр билдирди.

«Бавария» – ҳар бир немис футболчиси тўп суришни хоҳлайдиган клуб. Агар Сане ўз юртига қайтишни ва "Бавария"дек буюк клубида тўп суришни хоҳлаётган бўлса, у ҳолда буни тўғри қабул қиламан. Бироқ, ростини айтадиган бўлсам, футбол нуқтаи назаридан қараганда, у «Манчестер Сити»дан яхши бўлмайди. «Манчестер Сити»ни тарк этиш ва Гвардиола билан хайрлашиш – оддий қарор эмас.

Эҳтимол, бу турмуш тарзини танлашдир. Лерой уйига яқин жойда яшамоқчиси? Менимча, Сане максимал ривожланишга эришмоқчи. Агар дунёнинг энг яхши мураббийи қўл остида шуғулланаётган бўлсанг, у ҳолда бу амалга ошади. Леройдан қандай интервью олганимни эслайман. У Пепнинг ҳар бир деталга эътибор беришини ва бошқа даражадаги футболчилар билан ишлашини айтганди. Шунчаки Рахим Стерлингга эътибор беринг. Ҳар бир футболчида иқтидор бор, аммо, Пеп уларнинг орасидаги энг зўрларини танлаб олади. Агар шундай мураббийни қўл остида ўйнасанг, ҳеч қаёққа кетишинг шарт эмас», – Харгривзнинг сўзларидан иқтибос келтирмоқда Express UK.