Бугун, 19 май куни Криштиану Роналду «Ювентус» клубининг машғулотлар базасига қайтди ва машғулотларга киришди. Бу ҳақда унинг ўзи маълум қилди.
"Сабрли ва изчил бўлсак, қийинчиликларни енгиб ўтиши йўлини топамиз", -дея ёзиб қолдирди футболчи Инстаграмдаги саҳифасида.
Маълумот учун, Роналду Туринга Португалиядан 5 май куни қайтиб келганди. Криштиану сўнгги икк ҳафтани карантинда ўтказди.
Эслатиб ўтамиз, Италия чемпионатининг қайта тиклаш 13 июнь кунига режалаштирилганди, бироқ, Италия ҳукумати мамлакатда 14 июнь кунигача спорт турларини ўтказиш тақиқини узайтириб қўйди.
