Bugun, 19 may kuni Krishtianu Ronaldu «Yuventus» klubining mashg‘ulotlar bazasiga qaytdi va mashg‘ulotlarga kirishdi. Bu haqda uning o‘zi ma’lum qildi.
"Sabrli va izchil bo‘lsak, qiyinchiliklarni yengib o‘tishi yo‘lini topamiz", -deya yozib qoldirdi futbolchi Instagramdagi sahifasida.
Ma’lumot uchun, Ronaldu Turinga Portugaliyadan 5 may kuni qaytib kelgandi. Krishtianu so‘nggi ikk haftani karantinda o‘tkazdi.
Eslatib o‘tamiz, Italiya chempionatining qayta tiklash 13 iyun kuniga rejalashtirilgandi, biroq, Italiya hukumati mamlakatda 14 iyun kunigacha sport turlarini o‘tkazish taqiqini uzaytirib qo‘ydi.
