Португалиялик Нани «Манчестер Юнайтед» клуби сафига 2007 йили бориб қўшилганди. Ўша йили 20 ёшли футболчи ўзининг яхши фазилатларини АПЛда намойиш эта олмаганди. Ярим ҳимоячи уни жамоада қандай қабул қилганини эслади.

«Мен учун Скоулз, Гиггз, Фердинанд даражасидаги жамоадошлари бўлиши жуда муҳим эди. Улар мени ривожланишга ундашди, аввалига буни тушунмадим. Назаримда, мен уларга ёқмагандим. улар мендан ғазабланишарди, ишлар яхши кетмаётганди.

Икки-уч йилдан сўнг мен уларни яхши тушуна бошладим. Мен нафақат уларни тинглашга, балки уларнинг маслаҳатларига амал қилишни бошладим.

Бу мен ўйнаган жамоалар орасида энг кучлиси эди. Биз нафақат ўйнашимиз, балки, бир биримизни ҳурмат қилишимиз кераклигини билардим. Кейин биз бу даврдан завқ ола бошладик. Байрамларнинг кўпини доим биргаликда ўтказардик.

Ёдимда, қайсидир бир байрамда Скоулз қўшиқ ижро этганди, Фердинанд эса мени рэп кулайшга ундади, гарчи инглиз тилида жуда ёмон гаплашсам ҳам. Мен ҳаракат қилдим, лекин барча узоқ муддат кулиб юрган. Ажойиб лаҳза бўлганди», – деди Нани.