Италиянинг La Gazzetta dello Sport нашри А Сериянинг сўнгги икки йилдаги энг омадсиз трансферларидан иборат рамзий терма жамоа тузди.

Жамоа 4-3-3 схемасида тузиб чиқилди ва унинг баҳоси 221 миллион еврони ташкил қилди. Трансфер нархлари нашр таҳлили асосида белгиланган.

Рамзий терма жамоадан «Наполи», «Рома» ва «Интер»нинг икки нафардан футболчиси ўрин олди.

А Сериянинг сўнгги икки йилдаги энг омадсиз харидларидан иборат терма жамоа:

Дарвозабон: Алекс Мерет, «Наполи» (СПАЛдан келган, 30 миллион еврога баҳоланган);

Ҳимоячилар: Леонардо Спинаццола, «Рома» («Ювентус»дан, 23,5 млн); Диего Годин, «Интер» («Атлетико»дан, 5 млн), Денис Вавро, «Лацио» («Копенгаген»дан, 10 млн),  Антонио Баррека, «Женоа» («Ньюкасл», 10 млн);

Ярим ҳимоячилар: Лукас Пакета, «Милан» («Фламенго»дан, 30 млн), Адриен Рабио, «Ювентус» («ПСЖдан, 20 млн), Хавьер Пасторе, «Рома» (ПСЖдан, 10 млн);

Ҳужумчилар: Симоне Верди, «Торино» («Наполи»дан, 20 млн), Алексис Санчес, «Интер» («Манчестер Юнайтед»дан, 27,5 млн), Ирвинг Лосано, «Наполи» (ПСВдан, 35 млн).