GiveMeSport сайти 23 ёшгача бўлган футболчилар ўртасида Европа чемпионлар лигаси тарихидаги энг яхши тўпурар рейтингини эълон қилди.

Биринчи ўринни «Барселона» сардори Лионель Месси эгаллади. Аргентиналик футболчи 23 ёшгача мусобақа доирасида 25та гол уришга эришган эди.

Иккинчи ўрин «Реал» клуби собиқ сардори Раулга насиб этди (22 гол). Учинчи поғонани «ПСЖ»нинг 21 ёшли форварди Килиан Мбаппе банд этди (19).

Чемпионлар лигаси тарихидаги энг яхши тўпурар — Криштиану Роналду топ-10га кирмади. У 23 ёшигача турнирда бор-йўғи 8та гол урган эди.

23 ёшгача бўлган футболчилар ўртасида ЕЧЛнинг энг яхши тўпурарлари:

1. Лионель Месси («Барселона») — 25 гол
2. Рауль (экс-«Реал») — 22
3. Килиан Мбаппе («ПСЖ») — 19
4. Карим Бензема («Реал») — 17
5. Алессандро Дель Пьеро (экс-«Ювентус») — 16
6. Андрей Шевченко («Динамо» Киев, «Милан», «Челси») — 16
7. Хавьер Савиола («Барселона») — 15
8. Габриэл Жезус («Манчестер Сити») — 13
9. Уэйн Руни (экс-«Манчестер Юнайтед») — 13
10. Сеск Фабрегас («Монако»), Эрлинг Холанд («Боруссия» Д), Патрик Клюйверт («Аякс», «Милан», «Барселона») — 10.