Мадриднинг "Реал" клуби дарвозабони Тибо Куртуа «Челси»да ўйнаб юрган кезлари Эден Азар билан "қаймоқранглилар" таркибига ўтиш имконияти ҳақида кўп суҳбатлашганини тан олди.
Тибо Куртуа «Реал» клубига 2018 йили кўчиб ўтган. Орадан бир йил ўтгач Эден Азар ҳам Мадридга йўл олди.
«Челси» кийиниш хонасида Азар билан «Сантьяго Бернабеу»да ўйнаш имкониятини кўп муҳокама қилардик. Энди биз у билан бирга «Реал»дамиз ва совринлар учун кураш олиб боряпмиз.
Гоҳида янги жамоада фаолиятингни бошлаш қийин бўлади, айниқса, бундай буюк клублар таркибида, лекин, Эден билан «Реал» таркибида ўйнашни уддалай олдик. Азар «Реал» таркибида «Олтин тўпни» қўлга киритишига ишонаман.
Ўйлайманки, мен ва Эден жамоага бераётган фойдамиздан «Реал» мухлислари қониқишмоқда», — деди Тибо Куртуа.
