Италия матбуотининг хабарига кўра, Златан машғулотларда жароҳат олган. Ҳужумчида товони билан муаммолар бор. Машғулот вақтида у мушакларида оғриқ сезган.
Ибраҳимович мавсум давомини ўтказиб юбориши мумкин. Ҳозирча у қанча муддатга сафдан чиққани маълум эмас. Ибра клуб базасини жаҳлдор ҳолда тарк этган.
Маълумотларга кўра, Златан "Милан" сафида бошқа майдонга тушмаслиги мумкин. Унинг "россонери" билан шартномаси мавсум сўнггига қадар мўлжалланган.
Ибраҳимович А сериянинг 2019/20 йилги мавсумида 8та ўйинда майдонга тушиб, 3та гол урди ва битта голга узатма берди.
