Англиянинг «Манчестер Юнайтед» клуби собиқ бош мураббийи Луи Ван Галнинг фикрича, "қизил иблислар" раҳбарияти 600 миллион еврони ҳавога совурган.
2014 йилнинг ёзида Луи Ван Гал «Манчестер Юнайтед» клуби бош мураббийи этиб тайинланганди. Бироқ, жамоа унинг қўл остида ўз олдига қўйган мақсадларига эриша олмади ва эгаллаб турган лавозимидан озод қилинди.
«Мен «МЮ»га келганимда чемпионлик ҳусусиятига эга бўлмаган таркиб бор эди. Мен таркибни ёшартириш керак дедим. Раҳбарияти мен сўраган футболчиларнинг биттасини ҳам сотиб олмаган.
«Манчестер Юнайтед» 600 миллион евро сарф қилди ва барибир муносиб таркибни йиға олмади. Ушбу тенденция Сульшер билан бироз ўзгариб бораётганидан хурсандман, лекин, трансферларга жавоб берадиган инсонлар маъсулиятни ҳис қилишлари керак», — деди Ван Гал.
