«Бавария» собиқ президенти Ули Хёнесс «Байер» ва «Манчестер Сити» ярим ҳимоячилари: Кай Ҳаверц ҳамда Лерой Сане трансфери борасида фикр билдирди.
«Биз чиндан ҳам Хаверц билан шартнома имзолашни истардик. Аммо, айни вақтда футболда келгуси нархлар қандай бўлишини билмайман. Кайни «Бавария»да кўришни истайман, лекин ҳозир бунинг иложи йўқ.
Йосуа Киммих, Никлас Зюле, Давид Алаба, Тиаго Алькантара ва Лерой Санелар билан ёш ва ишончли жамоага эга бўламиз. Агар ҳаммаси яхши ўтса, «Бавария»да янги давр бошланади», — дея Хёнесснинг сўзларини келтиради «Sky Sports» нашри.
