"Арсенал" марказий ҳимоячиси Давид Луис билан янги шартнома имзолаш йўлларини қидирмоқда. Бу ҳақда Британия нашри ёзмоқда.
Манбанинг хабарига кўра, агар Луис маошининг камайишига рози бўлса, "канонирлар" ҳимоячига янги шартнома таклиф қилади. Ҳозирда Луис "Арсенал"да ҳафтасига 120 минг фунт ишлаб топади.
Эслатиб ўтамиз, Луис 2019 йил "Челси"дан "Арсенал"га кўчиб ўтган. Унинг шартномаси узайтириш ҳуқуқи билан бир йилга мўлжалланган.