Хабарингиз бор, бугундан бошлаб Миржалол Қосимов бошчилигидаги АГМК жамоаси Суперлига рестартига тайёргарлик доирасида ўз қароргоҳида ўқув-машғулот йиғинини бошлайди. Машғулотларга киришишдан аввал жамоа футболчилари, мураббийлар штаби ва қароргоҳда хизмат қилувчи персоналлар, жами 43 киши Covid-19га тест топширди.
Ўзбекистон Республикаси Соғлиқни Сақлаш Вазирлиги ҳузуридаги санитария-эпидемиологик осойишталик агентлигига қарашли Олмалиқ шаҳри СЭОМ ходимлари клубимиз истиқомат қилаётган қароргоҳда белгиланган тартибда жамоа вакилларидан тест таҳлилларини олишди.
Таҳлил натижаларига кўра, барча 43 нафар клуб вакилларида коронавирус инфекцияси йўқлиги аниқланди ва эндиликда жамоа Дўрмондаги қароргоҳда шифокорлар назорати остида тегишли санитария қоидалари, нормалари ва гигиена нормативларига қатъий амал қилган ҳолда машғулотларга киришади.ф