Coca-Cola Суперлига баҳслари 13-июн кунидан бошлаб давом этиши ҳақида аввалроқ хабар берилган ҳамда биринчи давра тақвими жамоатчиликка таништирилган эди.

Тақвим бўйича, 4-тур доирасидаги “Металлург” – “Локомотив” ўйинига Бекобод шаҳри мезбонлик қилиши керак эди. Аммо, ҳозирда Бекобод шаҳри Республика махсус комиссияси томонидан хавфсизлик даражаси бўйича ажратилган ҳудудлар тоифасига кўра “қизил”, яъни хавфлилик даражаси юқори бўлган ҳудудга киргани учун, учрашув икки томоннинг розилигига кўра Тошкент шаҳрига кўчирилди. Шу тариқа, беллашувга “Локомотив” клуби мезбонлик қилади.

Жамоаларнинг иккинчи даврадаги учрашувига эса “Металлург” клуби мезбонлик қилади.