Футбол олами АҚШда бўлаётган ирқчиликдан четда қолмади. Америкада афроамерикалик Жордж Флойднинг ўлдирилиши туфайли юзага келган тартибсизликнинг босим даражаси аста-секинлик билан пасайиб бормоқда. Англия клублари эса ирқчиликка қарши курашда ҳамжиҳатлик билдиришда давом этмоқда.
Лондоннинг «Челси» клуби футболчилари машғулотдан олдин тиз чўкишди. Аввалроқ, «Ливерпуль» футболчилари ҳам шу ишни амалга оширишганди.
«Биз ўз позициямизни билдирмоқчимиз. Биз яхшиланиши мумкин бўлган дунёда яшаётганимизни кўрсатмоқчимиз.Севги ва нафратсиз яшаш тарафдоримиз», – деди Сесар Аспиликуэта клуб матбуот хизматига.
