Futbol olami AQSHda bo‘layotgan irqchilikdan chetda qolmadi. Amerikada afroamerikalik Jordj Floydning o‘ldirilishi tufayli yuzaga kelgan tartibsizlikning bosim darajasi asta-sekinlik bilan pasayib bormoqda. Angliya klublari esa irqchilikka qarshi kurashda hamjihatlik bildirishda davom etmoqda.
Londonning «Chelsi» klubi futbolchilari mashg‘ulotdan oldin tiz cho‘kishdi. Avvalroq, «Liverpul» futbolchilari ham shu ishni amalga oshirishgandi.
«Biz o‘z pozisiyamizni bildirmoqchimiz. Biz yaxshilanishi mumkin bo‘lgan dunyoda yashayotganimizni ko‘rsatmoqchimiz.Sevgi va nafratsiz yashash tarafdorimiz», – dedi Sesar Aspilikueta klub matbuot xizmatiga.
