«Манчестер Юнайтед» клуби ярим ҳимоячиси Райан Гиггзга «Бир клубга содиқ инсон» соврини топширилди. Ушбу соврин Бильбаонинг «Атлетик» клуби томонидан таъсис этилган.

Футболчи "қизил иблислар" сафида 24 мавсум давомида ўйнаган. Бунгача эса у клуб академияси тарбияланган футболчи, ўйинчилик фаолиятини якунлаганидан сўнг жамоа мураббийлар штабида ишлаган.

Гиггз «Манчестер Юнайтед» сафида 963та ўйинда майдонга тушиб, 13 марта Англия чемпионати, икки марта Чемпионлар лигаси, 4 марта Англия кубоги ва бир марта Лига кубогида ғолиб чиққан.

«Биз ўз клубига садоқат намойиш қилган жаҳон даражасидаги футболчи ҳақида гапиряпмиз», — дейилади «Атлетик» расмий сайти тарқатган хабарда.

Райан Гиггз ҳозирда Уэльс терма жамоаси бош мураббийи ҳисобланади.