«Атлетико» ҳужумчиси Диего Коста солиқларни тўлашдан қочгани учун жаримага тортилди. Бу ҳақда "Elmundo" хабар тарқатди.
Дастлаб Коста 6 ойлик қамоқ жазосига ҳукм қилинган эди. Аммо Испания қонунчилигига кўра, бундай жазони жаримага алмаштириш мумкин. Коста 36 минг евро тўлашга рози бўлди. Шунинг учун у панжара ортида ўтирмайди.
Футболчи 2014 йилда 1,1 миллион евро миқдорида солиқларни тўлашдан қочганини тан олди. Ушбу суммани у аллақачон Испания ғазнасига ўтказиб бўлди.
31 ёшли Коста Ла лиганинг жорий мавсумида 13та ўйинда майдонга тушиб, 2та гол урди.