«Реал» клуби собиқ футболчиси Пирри мавсумнинг қолган қисмида мадридликлар устунликка эга бўлишини айтиб ўтди.

«Кетма-кет ўтказиладиган кўп ўйинлар «Реал»га қўл келади. Чунки уларнинг таркиби «Барселона»никига нисбатан кучли.

Вазият мавсумнинг бошланғич қисмига ўхшайди. «Реал»нинг таркиби яхши ва кенг», – деди "қаймоқранглилар" сафида 561та ўйин ўтказган собиқ футболчи.

Маълумот ўрнида, мавсум қайта бошланганидан кейин «Барселона» 13 июнь куни «Мальорка» меҳмони бўлса, «Реал» 14 июнь куни ўз уйида «Эйбар»ни қабул қилади. Чемпионат тугашига 11 тур қолганида каталонияликлар рақибидан 2 очко олдинда бормоқда.

Эслатиб ўтамиз, Ла лиганинг қолган қисми кетма-кет ўйинлар орқали зич тақвим остида ўтказилади.