Италиянинг "Брешия" клуби ҳужумчиси Марио Балотелли жамоа билан шартномани икки томонлама бекор қилишдан бош тортди дея хабар бермоқда Sky Sports Italia.

Манбанинг ёзишига қараганда, клуб футболчининг ҳайдалганлиги ҳақидаги ҳужжатни унинг ўзига юборган. Бунга Балотеллининг узоқ танаффусдан сўнг жисмоний тест топширишдан бош тортгани сабаб бўлди.

Марионинг ўзи касаллиги туфайли жамоа машғулотларига келмаганлиги ва ҳатто "Брешиа" клуби офисига касаллигини тасдиқловчи маълумотнома юборганини даво қилмоқда.

Клуби Балотеллини машғулотларда иштирок этишига рухсат бермаса, Марио ўз ҳуқуқларини судда ҳимоя қилмоқчи.

Италиялик футболчи "Брешиа" таркибида 2019 йилнинг ёзидан бери ўйнаб келмоқда ва А Серия ўйинлари 19 та учрашувда майдонга тушиб, 5 та гол киритди.