Лондоннинг «Челси» клуби собиқ ҳужумчиси Николя Анелька шу йилнинг 30 июнь куни эркин агентга айланиши кутилаётган «ПСЖ» ҳужумчиси Эдинсон Кавани ҳақида фикр билдирди.
«Агар ПСЖ Каванини кетишига йўл қўйса, катта хато қилган бўлади. Унга ўхшаган марказий ҳужумчиларни излаш керак. Тўғри, унинг хатолари кўп, лекин у гол киритишни билади. У ҳали жамоага керак бўлади.
«ПСЖ» таркибида рақобат бўлиши керак. Кавани – рақобатни юзага келтира оладиган суперҳужумчи. У қачонки «ПСЖ» клубига қарши ўйнаса албатта гол уради ва бундан парижликлар афсусланади», – деди Анелька Goal.com портали билан суҳбатда.
Эслатиб ўтамиз, Каванига «Атлетико» ва «Ньюкасл» клублари жиддий қизиқиш билдирмоқда.
