Кўп йиллардан буён «Динамо» жамоаси мураббийлар штабида фаолият юритиб келган самарқандлик собиқ футболчи ва мураббий Рафаэль Баласанян клуб билан расман хайрлашди.

Бунгача «Динамо» клуби мураббийлари штабида бир қатор мураббийлар билан бирга фаолият юритиб, ёрдамчи мураббий лавозимида ишлаб келган Рафаэль Баласанянга Навоийнинг «Қизилқум» клубидан таклиф тушди. У «Динамо» жамоасидан «Қизилқум» клубига ўтиб, жамоа бош мураббий сифатида иш бошлаган Тачмурод Агамуродовга ёрдам беради.

«Динамо» ПФК жамоаси Рафаэль Баласанянга клубдаги кўп йиллик фаолияти учун миннатдорчилик билдириб, кейинги мураббийлик фаолиятига омад ва зафарлар тилаб қолади.

Маълумот учун, «Динамо» клуби раҳбарияти бош мураббий лавозимига аксарият мураббийлар номзодини кўриб чиқмоқда. Шундан сўнг бўшаб қолган мураббийлар штаби ҳам шакллантирилади.