«Барселона» ҳимоячиси Нелсон Семеду Ла лига бошланиши олдидан белгиланган меъёрий қоидаларни бузди.
"Diario Sport" тарқатган хабарга кўра, 26 ёшли футболчи душанба куни туғилган кунга ташриф буюрди. У ерда 20 кишидан ортиқ одам йиғилган бўлиб, унда футболчи ва тадбирнинг бошқа иштирокчилари тиббий ниқоб тақишмади ва ижтимоий масофа сақлашмади.
Шу тариқа, Семеду Испания ҳукумати ва Ла лига раҳбарияти томонидан берилган тавсияларга амал қилмади.
Манбага кўра, "кўк-анорранглилар" раҳбарияти португалиялик футболчининг туғилган кунга боришидан бехабар бўлган. «Барселона» ушбу масалани клуб ичида ҳал қилиб олмоқчи.