Каталониянинг «Барселона» клуби бош мураббийи Кике Сетьен битта ёмон ўйин сабабли истеъфога чиқарилиши мумкинлигини, лекин бундан қўрқмаслигини айтиб ўтди.

«Футбол – бу аниқ фан эмас. Баъзан жамоа яхши ўйнайди, гоҳида эса йўқ. Мен ёмон натижалар борасида клуб президенти билан тез-тез гаплашиб тураман. Агар мен бундан ҳам яхшироқ натижага эриша олсам, президент бу ҳақда албатта гапиради.

У мени истеъфога чиқариб юборишини ҳам биламан. Гарчи, жамоанинг ўйини зўр бўлиб, мағлубиятга учраса - истеъфо учун битта муваффақиятсиз ўйин кифоя бўлади. Бу адолатли», — деди Сетьен.