Ушбу рукнимиздаги энг сўнгги янгиликлар билан таништиришда давом этамиз.
Мората vs Весино
Миланнинг “Интер” жамоаси ёзда Алваро Моратани қўлга киритишни режа қилмоқда.
“Tuttosport” нашрининг маълум қилишича, “кўк-қора”лар испаниялик ҳужумчини қўлга киритиш учун “Челси”га Весино ва 15 миллион евро таклиф қилмоқчи.
Эслатиб ўтамиз, ҳужумчи айни дамда Мадриднинг “Атлетико” шарафини ижара асосида ҳимоя қилмоқда.
Наинголлан яна ижарада?!
Туриннинг “Торино” жамоаси айни дамда “Кальяри” шарафини муносиб ҳимоя қилаётган Ража Наинголланни келаси мавсумда ижарага олиш борасида ишлар олиб бормоқда.
Ҳуқуқлари ҳамон “Интер”га тегишли бўлган футболчининг ўзи ҳам Миланга қайтишни истамаяпти.
«RMС»нинг маълум қилишича, белгиялик футболчини шунингдек “Фиорентина” ҳам ўз сафига қўшиб олишни истамоқда.
Заҳа ПСЖда?!
Англиянинг ПСЖ жамоаси вингери Вилфред Заҳа келаси мавсумни Париж клуби таркибида бошлаши мумкин.
Бу ҳақида таниқли “90min” нашри маълум қилмоқда.
Манбанинг маълум қилишича, футболчи ПСЖ жамоаси учун футболчиларни таклиф қилувчи Пини Заҳави билан шартнома имзолаган. Тез орада Париж клуби Заҳа вариантини кўриб чиқиши кутилмоқда.
Эслатиб ўтамиз, аввалроқ Заҳа билан “Манчестер Юнайтедъ ҳам жиддий қизиққан, бироқ “Кристал Пелас” ўз ҳужумчисини 90 миллиондан камига қўйиб юбормаган эди.
Сидибе учун кураш авжида
“Монако” жамоаси ҳимоячиси – Жибриэл Сидибе ёзда “Ла Лига”га кўчиб ўтиши мумкин.
Бу ҳақида RMCнашри маълум қилмоқда. Нашрда берилган маълумотга қараганда, “Севилья” клуби аллақачон “Монако”га илк расмий таклифини юборган ва томонлар музокараларни бошлаб юборди.
Аввалроқ “Монако” ўз ҳимоячисини арзонроқ нархда бўлсада сотиб юбормоқчи эканлиги ҳақида расмий маълумот пайдо бўлган эди.
Эслатиб ўтамиз, айни дамда қанот ҳимоячиси ижара асосида “Эвертон”да тўп тепмоқда.
Бюркки қолади
Дортмунднинг “Боруссия” жамоаси ўз дарвозабони Роман Бюрки билан шартномани узайтиришга қарор қилди.
“Kicker” нашри тарқатган маълумотларга қараганда, немис клуби киппер билан ўртадаги шартномани 2023-йилга қадар чўзади.
Катта эҳтимол билан Роман ҳам клубда қолади. Сабаби, унинг агенти мижози ўзини Дортмундда бахтли ҳис этаётгани айтиб ўтган эди.