«Барселона» ҳимоячиси Нелсон Семеду Ла лиганинг қарори билан жамоа машғулотида иштирок этмади. Бу ҳақда клуб расмий сайти хабар тарқатди.
Аввалроқ португалиялик футболчи туғилган кунга ташриф буюргани ҳамда у ерда тиббий ниқоб тақмаган ва бошқа инсонлар билан ижтимоий масофани сақламагани ҳақида маълумот тарқатилган эди. Бу орқали у Ла Лига протоколини бузди.
Шунинг учун Семеду бугун индивидуал тарзда шуғулланди. У кун охирига қадар коронавирусга тест топширади. Тест натижасидан келиб чиқиб, унинг кейинги машғулотда иштирок этиши ёки этмаслиги ҳақида қарор қабул қилинади.
«Барселона»ни 13 июнь куни Ла лиганинг 28-тури доирасида «Мальорка»га қарши ўйин кутиб турибди.