«Бешиктош» ярим ҳимоячиси Кевин-Принс Боатенг мавсумнинг қайта бошланишига тайёр эканини намойиш қилди.
"Милан" ва "Барселона" клубларининг собиқ футболчиси истанбулликларнинг машғулоти пайтида фантастик гол урди. Ганалик футболчи узатилган тўпни товони билан ўзига бўйсундириб, уни ерга туширмасдан жарима майдони ташқарисидан дарвоза томон тепди. Тўп эса "тўққизлик"ка бориб тушди. Жамоадошлари бу голни жуда қизғин қарши олишди.
"Ўйлашимча, мен тайёрман!", дея изоҳ ёзди Боатенг Твиттерга ушбу вазият лавҳасини жойлар экан. Эслатиб ўтамиз, 33 ёшли футболчи ҳуқуқий жиҳатдан "Фиорентина"га тегишли.
Маълумот ўрнида. Туркия чемпионати 12 июнь куни қайта старт олади. «Бешиктош» 26-турдан кейин Суперлига жадвалида 5-поғонани эгаллаб турибди.