«Барселона» сардори Лионель Месси коронавирус пандемияси билан боғлиқ танаффус узоқ вақт давом этганига қарамай, ўз маҳоратини йўқотмаганини намойиш этди.
Икки томонлама ўтказилган ўйин пайтида аргентиналик футболчи ўзига етказилган узатмага бир уринишда чап оёқда зарба бериб, жарима майдони ташқарисидан дарвозани ишғол қилди. "Барса" посбони Нето тўп йўналишини кузатиб қолишдан бошқа илож топа олмади. Барча футболчилар ушбу голни олқишлашди.
Каталонияликлар расмий Твиттери ушбу гол видеоси эълон қилиб, унга: «Жуда зўр, Лео», дея изоҳ ёзди.
«Барселона» 13 июнь куни «Мальорка» клуби меҳмони бўлади.