Испания чемпионатининг 28-тури доирасида бўлиб ўтган «Мальорка»га қарши ўйинда "Барселона" ярим ҳимоячиси Иван Ракитич иккинчи бўлим бошидан захирадан майдонга тушди.

Хорватиялик футболчи учун кечаги баҳс "кўк-анорранглилар" сафидаги 300-ўйин бўлди. 32 ёшли футболчининг мусобақалар кесимида ўтказган ўйинлари сони қуйидагича:

Ла лига — 191,
Чемпионлар лигаси — 59,
Испания кубоги  — 39,
Испания суперкубоги  — 8,
клублар ўртасидаги жаҳон чемпионати — 2
Европа суперкубоги  — 1та.

Ракитич "Барса" сафидаги ўйинлар сони бўйича клуб легионерлари орасида 4-натижага эга. Лионель Месси (719), Дани Алвес (391) ва Хавьер Маскерано (334) ундан кўпроқ ўйинларда иштирок этишган.

Ракитич 2014 йилдан бери «Барселона» шарафини ҳимоя қилиб келади. У клуб билан 13та совринни қўлга киритган.