Меҳмонлар: Клуб жорий мавсумда 23 очко билан 19-ўринда бормоқда.

Ўтган мавсумдаги бўйдан баланд сакрашдан сўнг (13-ўрин) бу мавсум Сегундага “сирпаниши” кутилмоқда. Сабаблар бисёр. Бир йил аввал, ёзда жамоани 10 нафар муҳим ўйинчи тарк этди. Августда бошланган чемпионатдаги илк ғалаба клубга октябрь ойида насиб этди. Орада бош мураббий истеъфога чиқарилди.  Лигадаги энг кам гол урган жамоа бўлиб турибди. Бугун бу ердаги энг ёрқин нуқта амалдаги coach. Матбуот анжуманлари сўзларини филтерлаб ўтирмайдиган, ўз вақтида Серхио Агуэрони заҳира футболчисига айлантирган, Брейтуэйтни бўралаб сўккан - Хавьер Агирре. Бироқ мексикалик мураббий инқироз менеджери вазифасини яхши уддалай олмаяпти, очиғи.

Мезбон: Улар ҳақида бутун танаффус даврида гап сўзлар тинмади.

Таркибда кутилаётган ўзгаришлар, футболда кутилаётган ўзгаришларга муносабатлар, тарқоқлик ва йиғинчоқлик. Хуллас, гап кўп эди. Бу гап сўзлар ўйинга таъсир этиб қолмайдими, деган савол рестартдан сўнг ўтган илк ўйиндаёқ ва ҳатто ўша матчнинг илқ дақиқасидаёқ йўққа чиқди. Улар яхши кайфиятда. Етакчи аъло ҳис қилмоқда ўзини. Мураббий анча ўрганиб қолгандек.

Дарвоқе, клуб 61 очко билан 1-ўринда бормоқда.

Бугун, соат 00:50. Футбол ТВ
“Барселона” - “Леганес”

Ўтказиб юборманг.

Ориф Толипов.