Рекордни янгилаш учун польшалик ҳужумчининг ҳисобида яна иккита ўйин мавжуд.
Бундеслиганинг 32-тур доирасида Роберт Левандовски «Вердер» клубига қарши учрашувдаги ягона голга муаллифлик қилди. Бу гол Роберт учун алоҳида аҳамият касб этди. Чунки, Левандовски Пьер-Эмерик Обамеянгнинг ажойиб натижасини такрорлади.
Габонлик ҳужумчи 2016/2017 йилги мавсумда Бундеслигада 31 та гол киритганди. Бу легионер футболчилар Бундеслигада гол киритиш борасидаги яққол рекорд ҳисобланарди.
Мюнхенликларнинг олдинда «Фрайбург» ва «Вольфсбург» клубларига қарши ўйинлари турибди. Шу сабабли, польшалик футболчи рекордни янгилаш борасида ажойиб имкониятга эга.
