16 ёшгача бўлган футболчилар ўртасидаги Осиё чемпионатига ташланган қуръа натижалари билан таништириб ўтгандик. Унга кўра, Ўзбекистон ўсмирлар терма жамоаси Жанубий Корея, Австралия ва Ҳиндистон билан бирга "С" гуруҳидан ўрин олди.
Ўсмирларимиз қитъа чемпионатини Жанубий Кореяга қарши баҳс билан бошлайдиган бўлди. Олим Шокиров шогирдлари иккинчи турда Австралияга қарши майдонга чиқса, гуруҳ босқичининг сўнгги турида U16 жамоамизга Ҳиндистон рақиблик қилади.
Гуруҳдан иккита жамоа чорак финалга чиқади. "С" гуруҳи вакиллари ярим финал йўлланмаси учун курашда "D" гуруҳидан чиққан термалар билан тўқнаш келишади. Бу гуруҳда эса Япония, Саудия Арабистони ва Хитой каби термалар бор.
Эслатиб ўтамиз, Баҳрайн мезбонлик қиладиган U16 Осиё чемпионати 25 ноябрь – 12 декабрь кунлари ўтказилади.
