16 yoshgacha bo‘lgan futbolchilar o‘rtasidagi Osiyo chempionatiga tashlangan qur’a natijalari bilan tanishtirib o‘tgandik. Unga ko‘ra, O‘zbekiston o‘smirlar terma jamoasi Janubiy Koreya, Avstraliya va Hindiston bilan birga "S" guruhidan o‘rin oldi.

O‘smirlarimiz qit’a chempionatini Janubiy Koreyaga qarshi bahs bilan boshlaydigan bo‘ldi. Olim Shokirov shogirdlari ikkinchi turda Avstraliyaga qarshi maydonga chiqsa, guruh bosqichining so‘nggi turida U16 jamoamizga Hindiston raqiblik qiladi.

Guruhdan ikkita jamoa chorak finalga chiqadi. "S" guruhi vakillari yarim final yo‘llanmasi uchun kurashda "D" guruhidan chiqqan termalar bilan to‘qnash kelishadi. Bu guruhda esa Yaponiya, Saudiya Arabistoni va Xitoy kabi termalar bor.

Eslatib o‘tamiz, Bahrayn mezbonlik qiladigan U16 Osiyo chempionati 25 noyabr – 12 dekabr kunlari o‘tkaziladi.