«Манчестер Сити» бош мураббийи Пеп Гвардиола жамоа вингери Лерой Сане ёзда жамоани тарк этиши мумкинлигини тасдиқлади.

«Лерой шартномани узайтиришни истамаяпти. Агар жамоан тарк этмоқчи бўлса, бу ҳолат мазкур ёзда рўй беради ёки у шартномаси якунланганидан кейин клуб билан хайрлашади.

Сане шартнома узайтириш борасида таклифга рад жавобини берди. У бошқа жамоа сафида ўйнашни истамоқда. Агар ушбу мавсум сўнгида клублар ўзаро келиша олишса, у кетади. Акс ҳолда шартномасининг охирига қадар сафимизда қолади», – деди Гвардиола.

Эслатиб ўтамиз, Санега «Бавария» қизиқиш билдирмоқда. «Манчестер Сити» унинг трансфери учун 70 млн евро сўрамоқда. Германиялик футболчининг "шаҳарликлар" билан шартномаси 2021 йилнинг ёзида якунига етади.