Англия чемпионатининг 30-тури доирасида «Тоттенхэм» ўз уйида «Манчестер Юнайтед»ни қабул қилиб, дурангга имзо чекди.

Биринчи бўлимда ҳудудий устунлик манкунианликлар томонида бўлган бўлса-да, баҳснинг 27-дақиқасида Бергвейн меҳмонлар ҳимоячиларидан чаққонлик билан ўтиб кетиб, кучли зарба билан ҳисобни очди.

Иккинчи таймда Сульшер шогирдлари босимни янада ошириб боришди. Баъзи вазиятларда уларга бироз аниқлик етишмаган бўлса, бир вазиятда Уго Льорис суперсэйв билан жамоасини қутқариб қолди.

Баҳс тугашига 9 дақиқа қолганида эса Погба пенальти ишлашга муваффақ бўлди. Бруну Фернандешнинг 11 метрли жаримадан йўллаган зарбасини "Тоттенхэм" посбони қайтара олмади.

Учрашувнинг асосий вақтининг сўнгги дақиқасида ҳакам "Тоттенхэм" дарвозаси томон шубҳали пенальти белгилади. Аммо VAR бу қарорни бекор қилди. Ҳақиқат қарор топди.

Ушбу дуранг туфайли 8-ўринни эгаллаб турган "Тоттенхэм"нинг очколари 42тага етди. "МЮ" эса 46 очко билан 5-ўринни эгаллаб турибди. Аммо "Шеффилд Юнайтед" мазкур турда ғалаба қозонса, манкунианликлардан ўтиб кетади.

Англия премьер-лигаси, 30-тур
Тоттенхэм – Манчестер Юнайтед 1:1 (1:0)
Голлар: 1:0 – 27 Бергвейн, 1:1 – 81, пенальти Бруну Фернандеш.
Тоттенхэм – Льорис, Орье, Дэвис, Санчес, Дайер, Сиссоко, Ламела (Жедсон Фернандеш, 70), Бергвейн (Ло Чельсо, 70), Уинкс, Сон Хын Мин, Кейн.
Манчестер Юнайтед – Де Хеа, Шоу, Магуайр, Линделеф (Матич, 78), Уан-Биссака, Мактомини (Байи, 89), Фред (Погба, 63), Бруну Фернандеш, Джеймс (Гринвуд, 62), Марсьяль (Игало, 78), Рэшфорд.
Огоҳлантиришлар: Жеймс (41).