Англиянинг «Эвертон» клуби ҳужумчиси Ришарлисон қишда бошқа жамоага ўтиши яқин келганини истисно қилмади.

«Мавсум давомида менга «Барселона» ва «Манчестер Юнайтед» клубларидан жуда кўплаб таклифлар тушди.

Бироқ, "Эвертон" мени ўз сафида олиб қолишни хоҳлади, мен ҳам мавсум ўртасида жамоамни алмаштиришни хоҳламадим. Жамоадошларимни мана шундай аҳволда ташлаб кетиш яхшимас.

Албатта, «Барселона»дек буюк клубдан таклиф тушса – ўзингни аҳамиятли инсондек ҳис қиласан. Бироқ, ўйлайманки, бахт ҳам муҳим роль ўйнайди», – деди Ришарлисон Los Desimpedidos билан суҳбатда.