«Реал» дарвозабони Тибо Куртуа Ла лиганинг 30-тури доирасида «Реал Сосьедад»га қарши бўлиб ўтган ўйиндаги ҳакамнинг қарорларига баҳо берди.

Баҳснинг 68-дақиқасида ҳакам Аднан Янузайнинг голини бекор қилган бўлса, орадан 2 дақиқа ўтиб Карим Бензема ҳисобни 2:0 етказди. Мезбонлар франциялик футболчи тўпни қўли билан ўйнаганига ишора қилди, аммо ҳакам VAR билан маслаҳатлашгач, голни инобатга олди.

«Янузай зарба бераётганида менинг олдимда 3 футболчи бор эди: Мерино, «Реал Сосьедад»нинг яни бир футболчиси ва бизнинг ўйинчи. Мен ҳеч нарсани кўрмадим. Агар сиз тўпни кўрмасангиз, у тез ҳаракатланаётгандек бўлади ва реакция қилишга улгурмаймиз. Бу ўйиндан ташқари ҳолат. Шундай вазиятлар учун ҳам VAR бор ва бу қарор тўғри бўлди», — деди Куртуа «Реал» матбуот хизматига берган интервьюсида.