«Реал» Испания чемпионатининг 33 ва 34-тур ўйинлари тақвимига нисбатан ўз норозилиги билдирди.
"As" нашри тарқатган хабарга кўра, Ла лига мазкур 2та турни белгилашда адолатсизликка йўл қўйган. Боиси, турлар оралиғида мадридликлар "Барселона"га нисбатан дам олиш учун камроқ вақтга эга бўлишади.
"Реал" 33-турда "Хетафе"ни 2 июль куни маҳаллий вақт билан 21:00да қабул қилади. Жамоа 34-турни 5 июль куни маҳаллий вақт билан соат 13:00да Бильбаода "Атлетик"га қарши ўтказади. "Қироллик клуби" бу ўйинлар оралиғида тикланиш учун 62 соатга эга бўлади.
«Барселона» эса 33-турни 30 июнь куни 21:00да "Атлетико"га қарши ўтказса, навбатдаги турни орадан 5 кун ўтиб «Вильярреал» билан сафарда ўтказади. Каталонияликларнинг дам олиш учун 118 соат берилмоқда.