25 июнь куни Coca Cola Cуперлигада 6-тур ўйинлари старт олади.

Турнинг марказий учрашувларидан бири шубҳасиз пойтахтда бўлиб ўтади. Унда «Бунёдкор» «Локомотив» жамоалари ўзаро тўқнаш келади. Иккала жамоа турнир жадвалида қайси ўринларни эгаллаб турган бўлишига қарамасдан ўзаро ўйинлар доимо қизиқарли кечган, пайшанба кунги баҳс ҳам бундан мустасно эмас. 

Эртага жамоаларнинг ўринбосарлари ўзаро ҳисоб-китоб қилади. «Бунёдкор» академиясининг 1-майдонида бўлиб ўтадиган баҳс 18:30да бошланади. Беллашувда ёш «темирйўлчилар» тўлиқ қизил, «қалдирғочлар» тўлиқ оқ рангдаги либосларда тўп суради.

Асосий жамоалар ўртасидаги баҳс 25 июнь куни соат 20:15да старт олади. «Бунёдкор» стадионида бўлиб ўтадиган ўйинда меҳмонларимиз тўлиқ оқ, футболчиларимиз тўлиқ кўк рангдаги либосларда ҳаракат қилади.

ЁШЛАР БИРИНЧИЛИГИ. 6-ТУР
«БУНЁДКОР» – «ЛОКОМОТИВ»
24 июнь. Тошкент. «Бунёдкор» академияси 1-майдони. 18:30

СOCA COLA СУПЕРЛИГА. 6-ТУР
«БУНЁДКОР» – «ЛОКОМОТИВ»
25 июнь. Тошкент. «Бунёдкор» стадиони. 20:15