Англиянинг «Манчестер Юнайтед» клуби бош мураббийи Оле-Гуннар Сульшер жамоа дарвозабони Давид Де Хеа ҳақида илиқ фикрларини билдирди.

АПЛнинг 30-тур доирасида «Тоттенхэм» (1:1) клубига қарши бўлиб ўтган учрашувдан кейин футбол жамоатчилиги Де Хеани танқид қилган эди.

— Де Хеа — жаҳоннинг энг кучли дарвозабони. У етти учрашувда атиги иккита гол ўтказиб юборди, ўтказилган ўйинлар орасида «Челси», «Манчестер Сити» ва «Тоттенхэм» каби кучли клублар бор. Мен унинг ўйинидан қониқяпман ва у ҳалияи дунёнинг энг зўр дарвозабони, — деди Сульшер The Mirror билан интервьюда.