"Ливерпуль" ҳужумчиси Муҳаммад Салоҳ "Кристал Пэлас"га қарши ўйиндаги ғалабадан сўнг ўз фикрларини билдирди. "Қизиллар" рақибни 4:0 ҳисобида мағлубиятга учратишди.
"Ўтган йили бизда чемпион бўлиш имконияти бор эди, аммо кейин" Манчестер Сити" чемпионликни қўлга киритди, чунки улар ажойиб мавсумни ўтказишди. Энди биз биринчи ўриндамиз. Премьер-лигани ютиш вақти келди.
"Кристал Пэлас"га қарши учрашувдаги ўйинимиздан мамнунман. Биз ажойиб футбол намойиш этдик ва ғалаба қозонишга лойиқ эдик”, — деди Салоҳ.
Бугун "Манчестер Сити" "Челси"га қарши ўйинда очко йўқотган тақдирда "Ливерпуль" муддатидан олдин Aнглия чемпиони бўлиши мумкин.
