«Манчестер Юнайтед» ҳужумчиси Антони Марсиал Англия чемпионатининг 31-тури доирасида бўлиб ўтган «Шеффилд Юнайтед»га қарши ўйин (3:0) борасида ўз фикрини билдириб ўтди.
«Бу фаолиятимдаги илк хет-трик. Умид қиламан, бундан кейин ҳам гол уришда давом этаман. Жамоа жуда яхши ўйнади, бундан хурсандман.
Рэшфорд билан мусобақалашамизми (ҳар икки футболчи 19тадан гол урган)? У бугун менга 2та голли узатма берди. Шунинг учун ҳам ғалаба — энг муҳими. Шунингдек, мен ҳам унга ўйнашга ҳаракат қилдим. Биз шунчаки ғалаба қозонишни истаймиз.
Мен кўп гол уришни истайман. Агар ҳар бир ўйинда буни амалга ошира олсам, бу жамоага ёрдам беради. Мен шундай руҳда давом этишим керак», — деди Марсиал.