Беларусь чемпионатида биринчи давра ўйинлари якунига етмоқда. 15-тур доирасида «Энергетик-БГУ» ўз уйида «Славия»ни қабул қилиб, йирик ҳисобда ғалаба қозонди.

Учрашувнинг 4-дақиқасида Жасур Яхшибоев ҳисобни очишга муваффақ бўлди. Аммо 26-дақиқада мезбонлар ҳужумчиси Бакич майдондан четлатилди.

Шунга қарамай, "талабалар" иккинчи бўлимда рақиб дарвозасига 4 марта йўл топишди. Тве ўз ҳисобига битта гол ёзган бўлса, 50-дақиқада Шаҳбоз Умаровнинг ўрнига майдонга тушган Совпель ҳам "дубл"ни расмийлаштирди.

Шу тариқа, «Энергетик-БГУ» биринчи даврани йирик ҳисобдаги ғалаба билан якунлади. Жамоа ўз очколарини 26тага етказиб, жадвалда вақтинчалик бўлсада 3-ўринга кўтарилиб олди. Яхшибоевнинг голлари сони эса 9тага етди.

Беларусь чемпионати, 15-тур
Энергетик-БГУ – Славия 5:0 (1:0)
Голлар: 1:0 – 4 Яхшибоев, 2:0 – 47 Тве, 3:0 – 58 Яхшибоев, 4:0 – 70 Совпель, 5:0 – 90 Совпель.
Энергетик-БГУ – Садовский, Мавату, Юдчиц (Гирс, 56), Мирошников, Свирепа, Бакич, Носко, Тве (Мусаханян, 86), Умаров (Совпель, 51), Яхшибоев, Шкурдюк.
Славия – Романюк, Раевский, Малькевич (Теттех, 56), Тымонюк, Шевченко (Ануфриев, 62), Жук, Нарх (Слюсар, 37), Пантя, Костров, Недашковский, Мельников.
Огоҳлантиришлар: Костров (24), Яхшибоев (39).
Четлатиш: Бакич (26).