Элмира Гуламова бошчилигидаги «Бунёдкор-W» бу йил ҳам янги мавсумни Ўзбекистон Суперкубогини қўлга киритиш билан бошлади.
Ҳозиргина Зомин шаҳрида якунланган Ўзбекистон Суперкубоги учрашувида 2019 йилги Ўзбекистон чемпиони ва Кубоги соҳиблари бўлган «Севинч» ҳамда «Бунёдкор-W» ўзаро ҳисоб-китоб қилишди. Голларга бой учрашувда қизларимиз йирик ҳисобда ғалаба қозонди.
Айтиш керак, ўтган йилги Ўзбекистон Суперкубоги баҳсида ҳам айнан шу икки жамоа майдонга чиққан. Ўша беллашувда жамоамиз кичик 1:0 ҳисобида ғалаба нашидасини сурган эди.
АЁЛЛАР ФУТБОЛИ
Ўзбекистон Суперкубоги
«БУНЁДКОР-W» – «СЕВИНЧ» - 4:1 (3:1)
29 июнь. Зомин. «Зомин» стадиони.
Бош ҳакам: Раҳимбек Каримов.
Қанот ҳакамлари: Маҳмуд Турдиев, Феруз Достонов.
Захирадаги ҳакам: Достон Раҳмонов.
Назоратчи: Марат Исмоилов.
Комиссар: Нигора Абидова.
«Бунёдкор-W»: Ольга Қаҳҳорова (Зарина Саидова, 89), Зумраджон Назарова (Нозимахон Эргашева, 67), Камола Рисқиева, Людмила Карачик, Маҳлиё Сарикова, Саида Галимова, Марина Косникова, Умида Зоирова, Феруза Турдибоева, Солиҳа Ҳусниддинова, Луиза Садирова.
«Севинч»: Мафтуна Жонимқулова (Ангелина Полюшкевич, 44), Лайло Тиловова, Феруза Бобохўжаева, Лайло Шодиева, Гулзода Амирова, Шоира Қултураева, Мафтуна Панжиева, Диёра Эркинова (Фазилат Баҳромова, 45; Шодия Тошева, 90), Малика Бурхонова, Нилуфар Қудратова.
Голлар: Умида Зоирова, 7 - 1:0. Нилуфар Қудратова, 11 - 1:1. Людмила Карачик, 17 - 2:1. Людмила Карачик, 36 - 3:1. Маҳлиё Сарикова, 85 - 4:1.
Огоҳлантиришлар: Мафтуна Панжиева, 69. Шодия Тошева, 90.
