Хабарингиз бор, сайтимиз талқинига кўра Суперлига 6-турининг энг яхши дарвозабони деб "Бухоро" посбони Зафар Сафаев топилди. "Бухоро" дарвозабони навбатдаги тур олдидан ўз фикрлари билан ўртоқлашди.

Маълумот учун, "Бухоро" бу турда ўз майдонида Шипилов бошчилигидаги "Металлург"ни қабул қилади. 

"Металлург" рестартни жуда яхши бошлади. Албатта, уларга қарши ўйнаш қийин бўлади, бироқ биз ҳам майдонга ғалаба қозониш учун тушамиз. Биз ўз майдонимизда ҳаракат қиламиз, бу бизга устунлик беради.

Менимча, ҳозирда Суперлигадаги энг яхши дарвозабон бу – "Насаф" посбони Машхур Муҳаммаджонов. У яхши ўйин кўрсатмоқда ва унинг жамоаси ҳалигача мағлуб бўлмади. Бунда унинг хизматлари катта деб ўйлайман.

"Насаф"га қарши ўйинда ғалаба қозонишимиз ҳам мумкин эди. Бизда кўплаб гол уриш учун имкониятлар бўлди, бироқ фойдалана олмадик. Аммо "Насаф" билан ўйинда 1 очко олиш, ҳаммага ҳам эмас", -дейди дарвозабон.