Англия чемпионатининг 32-тури доирасида бўлиб ўтган Лондон дербисида «Челси» имкониятни бой берди. Лэмпард шогирдлари «Вест Хэм» меҳмони бўлишди.

Биринчи бўлим тугашига 3 дақиқа қолганида Виллиан пенальтидан ҳисобни очган бўлса, мезбонлар танаффусга қадар мувозанатни тиклашга муваффақ бўлишди.

Иккинчи бўлим бошида "болғачилар" Антонионинг голи эвазига олдинга ўтиб олишди. 72-дақиқада Виллиан "дубл"ни расмийлаштириш билан бирга ҳисобни тенглаштирганди. Аммо ўйин сўнгида Ярмоленконинг голи "Вест Хэм"га ғалаба келтирди.

«Челси» биринчи даврада ҳам ушбу рақибга ютқазган эди (0:1). Бундан ташқари Фрэнк Лэмпард жамоасининг 5та ўйинда иборат ғалабали серияси узилиб қолди.

«Челси» 54 очко билан 4-ўринни эгаллаб турган бўлса, «Вест Хэм» 30 очко билан 16-ўринга кўтарилиб олди.

Англия чемпионати, 32-тур
Вест Хэм – Челси 3:2 (1:1, 2:1)
Голлар: 0:1 – 42, пенальти Виллиан, 1:1 – 45 Соучек, 2:1 – 51 Антонио, 2:2 – 72 Виллиан, 3:2 – 89 Ярмоленко.
Вест Хэм – Фабианьски, Фредерикс, Диоп, Огбонна, Крессуэлл, Райс, Соучек, Боуэн (Ярмоленко, 78), Форнальс (Бальбуэна, 90), Лансини (Уилшер, 68), Антонио.
Челси – Аррисабалага, Аспиликуэта, Кристенсен, Рюдигер, Алонсо, Баркли (Лофтус-Чик, 63), Канте, Ковачич (Маунт, 53), Виллиан, Абрахам (Жиру, 63), Пулишич.
Огоҳлантиришлар: Лансини (65), Райс (70), Виллиан (82).